Türkmenistanyň Adatdan daşary we Doly ygtyýarly Ilçisi Slowakiýa Respublikasynyň Prezidentine Ynanç hatlaryny gowşurdy

2023-nji ýylyň 4-nji iýulynda Slowakiýa Respublikasynyň Prezident köşgünde Ilçi H.Amannazarowyň Türkmenistanyň Slowakiýa Respublikasyndaky Adatdan daşary we Doly ygtyýarly Ilçisi hökmünde Slowakiýa Respublikasynyň Prezidenti Zuzana Çaputowa ynanç hatlaryny gowşurylyş dabarasy geçirildi.

Gowşurylyş dabarasynyň çäklerinde Slowakiýa Respublikasynyň Prezidenti bilen gysga wagtlyk söhbetdeşlik geçirildi. Söhbetdeşligiň dowamynda hyzmatdaşlygyň mümkin bolan ugurlary, ýagny akylly şäher, ýaşyl tehnologiýalar, suwy rejeli ulanmak, bilim, şeýle hem talyplaryň iki ýurduň  ýokary okuw mekdeplerinde okatmak meseleleri bellenilip geçildi.

Bu meseleleri içgin ara alyp maslahatlaşmak maksady bilen ýakyn wagtda ýurtlaryň daşary işler edaralarynyň arasynda syýasy geňeşmeleri geçirmek maksadalaýyk hasaplanyldy.