Saglygy goraýyş ulgamynda halkara hyzmatdaşlar

2023-nji ýylyň 5-nji iýulynda Türkmenistanyň Saglygy goraýyş we derman senagaty ministriniň orunbasary M.A.Mämmedow bilen Awstriýa Respublikasynyň Durmuş işleri, Saglyk, ideg we sarp edijileri goramak boýunça Federal ministrliginiň Ýewropa Bileleşigi, Halkara hyzmatdaşlyk, pensiýa we meýletinçiler departamentiniň başlygy hanym Ulrike Neufangiň arasynda duşuşyk geçdi.

Awstriýanyň Federal ministrliginiň binasynda geçirilen duşuşykda taraplar saglygy goraýyş pudagynda gyzyklanma bildirilýän hyzmatdaşlyk mümkinçiliklerini ara alyp maslahatlaşdylar.

Hususan-da bu ulgamda gazanylan tejribeler we häzirki wagtda alnyp barylýan işler, iki ýurduň degişli lukmançylyk edaralarynyň arasynda hyzmatdaşlyk gatnaşyklary ýola goýmak bilen bagly garaýyşlar barada özara pikir alşyldy.