Ilçi H. Amannazarow UNIDO-nyň Baş direktorynyň orunbasary hanym Fatou Haidara bilen duşuşdy

Wena, Awstriýa – 2025-nji ýylyň 9-njy iýulynda Ilçi H. Amannazarow BMG-niň Senagat Ösüş Guramasynyň (UNIDO) Baş direktorynyň orunbasary hanym Fatou Haidara bilen BMG-niň Wena şäherindäki ştab-kwartirasynyň binasynda duşuşdy.

Duşuşygyň dowamynda, 2025-nji ýylyň 5-8-nji awgusty aralygynda geçirilmegi meýilleşdirilýän BMG-niň deňze çykalgasy bolmadyk ösüp barýan döwletler boýunça üçünji maslahatyna taýýarlyk meselelerine üns berildi. Taraplar deňze çykalgasy bolmadyk ösüp barýan döwletleriň durnukly ösüşini goldamak maksady bilen esasy meseleler we hyzmatdaşlyk mümkinçilikleri barada pikir alyşdylar.