Seýsmologiýa ylmy we halkara hyzmatdaşlar

2023-nji ýylyň 18-nji aprelinde Türkmenistanyň Ylymlar akademiýasynyň Seýsmologiýa we atmosferanyň fizikasy instituty bilen Ýadro synaglaryny hemmetaraplaýyn gadagan etmek baradaky Şertnama Guramasy (CTBTO) boýunça Taýýarlaýyş kommissiýanyň wagtlaýyn tehniki sekretariatynyň wekilleriniň arasynda duşuşyk geçirildi.

Duşuşygyň barşynda seýsmologiýa ugrunda Türkmenistanda gazanylan tejribeler, alnyp barylýan işler we ýola goýulan halkara hyzmatdaşlyk gatnaşyklary barada özara pikir alşyldy. Şeýle hem Türkmenistanda seýsmologiýa ylmyny toplumlaýyn ösdürmegiň 2022-2028-nji ýyllar üçin Döwlet maksatnamasynyň ähmiýeti barada bellenildi.

Şol bir wagtyň özünde, agzalan Sekretariatyň garamagynda hereket edýän Halkara Maglumatlar Merkeziň we Halkara Gözegçilik Ulgamyň çäklerindäki mümkinçiliklere aýratyn üns berildi we bu babatda hyzmatdaşlygyň işjeňleşdirilmegine gyzyklanma bildirildi.