Türkmenistanyň wekilleri Wenada şäherinde adam söwdasyna garşy bileleşigiň 23-nji konferensiýasyna gatnaşdy

2023-nji ýylyň 17-18-nji aprelinde Wenada Ýewropada Howpsuzlyk we Hyzmatdaşlyk Guramasynyň adam söwdasyna garşy bileleşiginiň 23-nji konferensiýasy geçirildi we oňa gurama agza döwletleriň, halkara guramalarynyň we sebitinden raýat jemgyýetleriniň wekilleri gatnaşdylar. Maslahata Türkmenistanyň Baş prokuraturasynyň we Döwlet migrasiýa gullugynyň wekiller hem gatnaşdy.

Maslahatda adam söwdasynyň tebigaty we ýeten derejesi barada jikme-jik maglumat berildi we biziň döwrümiziň iň möhüm sosial meselelerinden birini ýeňip geçmek üçin güýçli syýasy erkiň we oňa garşy göreşmegiň näme üçin zerurdygy ara alnyp maslahatlaşyldy. Çykyş edenler halkara hyzmatdaşlygynyň zerurlygy, adamlaryň we çagalaryň söwdasy baradaky maglumatlary ýygnamakdaky milli kynçylyklary, amaly we usulyýet çeşmeleriň ýoklugy, maglumatlaryň we ylalaşyklygyň möhümdigi barada belläp geçdiler.

Konferensiýanyň çäginde esasanda adam söwdasyna garşy göreşmek üçin zerur kanunçylyk we syýasat çäreleri, hökümet ulgamlary we gurluşlary döretmek we bu barada üstünlik gazanmak üçin zerur maýa goýumlary öz içine alýan täsirli milli hereket meýilnamasyny döretmeklige gönükdirilen çykyşlar edildi. Maslahatda çykyş edenler adam söwdasyna netijeli garşy göreşmek üçin her ýurtda zerur ulgamlara we gurluşlara ünsi çekdi.

Maslahatyň netijesinde sebitde adam söwdasynyň ýok edilmegine täze itergi berdi we Guramanyň Hereket meýilnamasynyň geljek 20 ýylynda üstünlik gazanmak üçin ýol kartasyny kesgitledi.