Türkmenistanyň Daşary işler ministriniň ÝHHG-niň Baş sekretary bilen telefon arkaly söhbetdeşligi

2025-nji ýylyň 19-njy noýabrynda Türkmenistanyň Daşary işler ministri Raşid Meredow bilen Ýewropada Howpsuzlyk we Hyzmatdaşlyk Guramasynyň Baş sekretary Feridun Sinirlioglunyň arasynda telefon arkaly söhbetdeşlik geçirildi.

Söhbetdeşligiň barşynda taraplar Türkmenistanyň we ÝHHG-niň arasyndaky hyzmatdaşlygyň ileri tutulýan ugurlaryny ara alyp maslahatlaşyp, özara gatnaşyklaryň durnukly depginini we netijeli häsiýetini bellediler.

Söhbetdeşler halkara giňişliginde tagallalary utgaşdyrmagyň ähmiýetine aýratyn üns berip, parahatçylygy, howpsuzlygy we durnukly ösüşi mundan beýläk-de berkitmäge gönükdirilen birnäçe meseleleri ara alyp maslahatlaşdylar. Bu maksatlara sebit we ählumumy derejede ýetmekde bolsa, Türkmenistanyň oňyn bitaraplyk syýasatynyň möhüm ornunyň bardygy nygtaldy.

Şu ýylyň 12-nji dekabrynda Aşgabat şäherinde geçiriljek Halkara parahatçylyk we ynanyşmak forumynyň taýýarlyk meselelerine hem aýratyn üns berildi.